Vir diegene wat met swetende hande sukkel, kan dit nogal ’n benoude oomblik raak wanneer hulle iemand anders se hand moet skud.
Sweterige hande raak nie vanself droog nie, so jy sal hulle meer moet was as wat die gewone persoon sal moet doen. Was jou hande sodra die sweet jou begin pla en droog dit daarna deelglik af.
Behalwe in gevalle wanneer jy die badkamer gebruik het of voor jy kos gaan voorberei en jou hande met seep moet was, kan jy dit ander kere met skoon water ook was.
Maak dit ook ’n gewoonte om hand sanitizer (met ’n alkoholbasis) in jou sak te dra vir daardie kere wat jy nie naby water is nie. Alkohol help om sweet tydelik te laat opdroog.
Hou ook ’n lappie of papierhanddoeke byderhand sodat jy jou hande kan afvee wanneer dit nodig is, veral voordat jy iemand se hand gaan skud.
As jy nie omgee dat jou hande effens wit is nie, kan jy ook ’n bietjie babapoeier daarop aanwend om die sweet te absorbeer. - Bron: www.wikihow.com