As jy nie hou van stryk nie of eenvoudig net nie die tyd het om bollings wasgoed op te stryk nie, moet jy verder lees. Want daar is maniere hoe jy jou strykwerk kan verminder.
Wanneer jy jou wasgoed in die masjien was, moenie dit oorvol prop nie. Klere het ruimte nodig om in te draai en hoe nader klere aan mekaar is gedurende die wassiklus, hoe meer is hulle geneig om gekreukel en waarskynlik nog effens vuil anderkant uit te kom.
Moet ook nie swaar klere-items (soos jeans) met ligtes (soos bloesies) was nie, want eersgenoemde gaan die ligte klere laat kreukel.
En dan, moenie lank wag voor jy jou nat wasgoed ophang nie. Skud die klere goed uit voor jy dit ophang om van oortollige water en kreukels ontslae te raak.
Al hierdie wenke sal help om jou strykwerk aansienlik te verminder. - Bron: www.wikihow.com